,,იქეთ ეშინოდეთ გუნდებს” – მიხეილ აშვეთიას ვრცელი ინტერვიუ გაგრასთან გასამართ ორმატჩიან დაპირისპირებაზე

სამშაბათს, 15 დეკემბერს, კრისტალბეთ ეროვნული ლიგის პლეი-ოფის მატჩი გაიმართება, სადაც ,,ტორპედო” ქუთაისი, ორმატჩიანი დუელის პირველ შეხვედრას გაგრას წინააღმდეგ, თბილისში ტექნიკურ ცენტრ ,,ბასაზე”, 13:30 დაიწყება.

 

აღნიშნული დაპირისპირება ტორპედოსთვის უმნიშვნელოვანესია, რადგან გუნდი ცდილობს უმაღლეს ლიგაში ადგილი შეინარჩუნოს. გამომდინარე აქედან ინტერესი ძალზედ დიდია, როგორც ფანებიდან, ისე უბრალო ფეხბურთის მოყვარულებიდანაც, ამიტომ გთავაზობთ ინტერვიუს, მთავარი მწვრთნელის ასისტენტ, მიხეილ აშვეთიასთან.

 

რას იტყვით აღნიშნულ პლეი-ოფის მატჩზე?

ნამდვილად საპასუხისმგებლო თამაშია, რომელიც უმაღლეს ლიგაში დარჩენა-არდარჩენის საკითხს ეხება. ყველა ვემზადებით სერიოზულად. განწყობაც ისეთი გვაქვს, რომ აუცილებლად კარგ შედეგს დავდებთ. საჭიროა დავივიწყოთ რაც აქამდე მოხდა, რადგან არავის აინტერესებს. რეალობა ის არის, რომ ჩვენ პლეი-ოფში ვთამაშობთ, ამიტომ ყველაზე დაძაბული და მნიშვნელოვანი თამაში იქნება ჩვენი გუნდისთვის. დარწმუნებული ვარ ყველა ელის, როგორც ჩვენი ბიჭები, ისე სამწვრთნელო შტაბი და გულშემატკივრებიც, რომ ტორპედო შეინარჩუნებს ადგილს უმაღლეს ლიგაში და მსგავსი შემთხვევა აღარ უნდა განიხილებოდეს სამომავლოდ, ტორპედოს ადგილი უმაღლეს ლიგაშია!

რას ეტყოდით ფანებს?

ფანებს მოვუწოდებ, რომ ბიჭებს გვერდით დაუდგან, მათ რაც შეეძლოთ ყველაფერი გააკეთეს. ძალიან ბევრი რამ მოხდა გუნდში და ახლა მხარდაჭერა, გამხნევება სჭირდებათ ჩვენს ფეხბურთელებს. ერთად დგომით კარგ შედეგს ვაჩვენებთ, დარწმუნებული ვარ, ასე იქნება ყველაფერი.

გუნდში რა სიტუაციაა?

გუნდმა ბევრი რამ გამოიარა, იყო არეულობა, აგრეთვე პანდემია, რომელმაც ძალიან დიდი გავლენა იქონია ქუთაისის ,,ტორპედოზე”. თითქმის ყველამ მოიხადა კოვიდი, გამომდინარე აქედან, რთული პერიოდი დადგა და თამაშებში ჩავარდნებიც დაიწყო. არ იფიქროთ, რომ თავს ვიმართლებ, მაგრამ  ძალიან რთულია, როდესაც ნახევარზე მეტი მოთამაშე კორონავირუსით დაავადებულია და გუნდს ვერ ეხმარება. ხოლო როდესაც მოიხადეს ვირუსი, იმწამსვე თამაში მოუწიათ. ისინიც ადამიანები, სპორცმენები არიან და თავიანთი ჯანმრთელობის ფასად გამოვიდნენ და მეორე-მესამე დღეს სრული მომზადების გარეშე ითამაშეს. ამიტომ იმ ჩავარდნის ერთ-ერთი მიზეზი ეს არის.

საქართველოს თასის მოქმედი ჩემპიონი გაგრა? რას ფიქრობთ ამ გუნდზე?

ნამდვილად, ჩვენი მეტოქე საქართველოს თასის მოქმედი ჩემპიონია. გაგრა დაარსების დღიდან მებრძოლი გუნდია და უბრძოლველად არაფერს არ დათმობს, მაგრამ ქუთაისის ტორპედო, ქუთაისის ტორპედოა და არავისი  ეშინია, იქეთ ეშინოდეს გუნდებს! ბიჭები მობილიზებულები არიან საბრძოლველად, თელავშიც დაამტკიცეს თავისი ბრძოლისუნარიანობა, გამომდინარე აქედან, ორმაგად და სამმაგად მეტი მოტივაციაა გუნდში. ეს ორ რაუნდიანი დაპირისპირებაა, ამიტომ ხარისხი იმდენად არ არის მნიშვნელოვანი, მთავარი მხოლოდ შედეგია!

 

 


ისტორია

,,ტორპედო” ქუთაისი გაგრას ბოლოს 2019 წლის 19 ივნისს, საქართველოს თასის 1/8 ფინალურ ეტაპზე დაუპირისპირდა, სადაც ქუთაისლებმა 2:3 დაამარცხეს მეტოქე. გოლები ტორპედოდან: თორნიკე კაპანაძე :41, გრიგოლ დოლიძე :60, ნოდარ ქავთარაძე :83. გოლები გაგრადან: ზვიად მეტრეველი :63, თენგიზ ბრეგვაძე :90+1.

თელავი – ტორპედო | ინფორმაცია

კრისტალბეთ ეროვნული ლიგის მე-18 ტურში ,,ტორპედო” მორიგ შეხვედრას თელავის წინააღმდეგ ჩაატარებს. თამაში თელავში, კავკასიონი არენაზე დაიწყება 12:30_ზე.

 

მატჩის არბიტრები:

  • არბიტრი – ა. აფციაური
  • პირველი ასისტენტი – ს. სპიცინი
  • მეორე ასისტენტი – ზ. ბლიაძე
  • მეოთხე მსაჯი – შ. ქუხილავა

 

სად შეიძლება თამაშის ყურება?

ეროვნული ლიგის ოფიციალურ ,,Youtube” არხზე: https://youtu.be/aAtcKIxhsyA

თელავი – ტორპედო | შეხვედრები

  • კლუბები ერთმანეთს კრისტალბეთ ეროვნული ლიგის ეგიდით მხოლოდ ერთხელ დაუპირისპირდნენ ერთმანეთს რამაზ შენგელიას სტადიონზე, აღნიშნიშნული შეხვედრა ფრე 1-1 დასრულდა, გოლები ტორპედოდან ივან ბობკომ გაიტანა, ხოლო თელაველებიდან ირაკლი რუხაძემ.
  • ტორპედოსა და თელავის დაპირისპირება კიდევ ერთხელ სათასო შეხვედრაში ვიხილეთ (07/11/18) სადაც ჩვენმა გუნდმა თელაველები 0-1 დაამარცხა გასვლაზე. ერთადერთი გოლის ავტორი ოლეკსანდ აზაცკი გახლავთ.

 

ტორპედო – დინამო | ინფორმაცია

კრისტალბეთ ეროვნული ლიგის მე-15 ტურში ,,ტორპედო” მორიგ შეხვედრას ,,დინამო” ბათუმის წინააღმდეგ ჩაატარებს. თამაში რამაზ შენგელიას სტადიონზე, 14:00 დაიწყება. იხილეთ დეტალურად

მატჩის არბიტრები:

შეხვედრის არბიტრი: დ. სანოძე

პირველი ასისტენტი: ზ. მენთეშაშვილი

მეორე ასისტენტი: ი. უკლება

მეოთხე მსაჯი: კ. გიორგაძე

 

 

სად შეიძლება თამაშის ყურება?

 თამაშის პირდაპირი ტრანსლაცია შედეგბა შემდეგ არხებზე: Silk Sport HD2, Silk Universal
ასევე თქვენ შეგიძლიათ იუთუბზეც მიადევნოთ თამაშის მსვლელობას თვალი ბმულზე გადასვლა
იხილეთ თამაშისწინა მიმოხილვა
 დამატებითი ინფორმაცია შემადგენლობებთან დაკავშირებით იხილეთ Eliga.ge_ზე

,,ტორპედო” ქუთაისი -,,დინამო” ბათუმი | დეტალურად

კრისტალბეთ ეროვნული ლიგის მე-15 ტურში ,,ტორპედო” მორიგ შეხვედრას ,,დინამო” ბათუმის წინააღმდეგ ჩაატარებს. თამაში რამაზ შენგელიას სტადიონზე, 14:00 დაიწყება.

მსოფლიოში არსებული პანდემიის პირობების გათვალისწინებით, კლუბმა თამაშამდე 48 საათით ადრე კოვიდ ტესტირება ჩაიტარა.

რა მნიშვნელობის არის თამაში ,,ტორპედოსთვის”?

ჩვენი და დინამო ბათუმს შორის დაპირისპირება ყოველთვის მნიშნველოვანი და ორმაგად სანახაობრივია. აღნიშნული შეხვედრას ინტერესს კიდევ, რამდენიმე ფაქტი უზრდის:

  • მოგეხსენებათ ჩვენი გუნდი კრისტალბეთ ეროვნული ლიგის გათამაშებაში მერვე ადგილზეა და მეშვიდე ადგილთან მხოლოდ 3 ქულა აშორებს. ,,ტორპედო” ქუთაისისთვის დარჩენილი თითოეული თამაში ფინალის ტოლფასია, რათა აიცილოს გუნდმა პლეი-აუტი.
  • მეორეს მხრივ ,,დინამო” ბათუმი ჩემპიონობისთვის იბრძვის. პირველადგილოსან ,,დინამო” თბილისს ბათუმლებზე მხოლოდ 2 ქულით მეტი აქვს, აქედან გამომდინარე შავიზღვისპირელები ყველანაირად ეცდებიან, რომ საჩემპიონო ბრძოლა გააგრძელონ.

ტორპედო – დინამო | შეხვედრები

  • კლუბები ერთმანეთს კრისტალბეთ ეროვნული ლიგის ეგიდით 9ჯერ დაუპირისპირდნენ ერთმანეთს აქედან, ტორპედომ 6 შეხვედრა მოიგო, დათმო, ხოლო შეხვედრა ფრედ დასრულდა

 

თამაშისწინა ვარჯიში იხილეთ აქ

77_ე ქართული დერბი, 26 ნოემბერს, თბილისში გაიმართება

კრისტალბეთ ეროვნული ლიგის მე-14 ტურში ქართული ფეხბურთის მშვენება, ეროვნული დერბი გაიმართება. თამაში თბილისში, ,,დინამო არენაზე” 17:00_ზე დაიწყება.

აღნიშნულ თამაშამდე ,,ტორპედო ქუთაისი” კრისტალბეთ ეროვნული ლიგის გათამაშებაში მე-8 ადგილს 16 ქულით იკავებს, ხოლო მის მეტოქე ,,დინამო” თბილისი პირველ ადგილს 31 ქულით უკავია.

მსოფლიოში არსებული პანდემიის პირობების გათვალისწინებით, კლუბმა თამაშამდე 48 საათით ადრე კოვიდ ტესტირება ჩაიტარა.

 

ტორპედო VS დინამო – დერბის ისტორია 

25 ნოემბერს 17:00_ზე რიგით 77_ე ქართული დერბი გაიმართება. ქუთაისის ,,ტორპედოსა” და თბილისის ,,დინამოს” დაპირისპირება ბევრი ქართველისთვის ეგრედწოდებულ კლასიკოს უკავშირდება, რადგან საქართველოს ორი ყველაზე ტიტულოვანი და დიდი ისტორიის მქონე კლუბები უპირისპირდებიან ერთმანეთს. ტორპედოსა და დინამოს 77 დაპირისპირების მოლოდინში გავიხსენოთ თუ რა ანგარიშია ურთიერთშეხვედრებში.

  • საქართველოს ჩემპიონატის ეგიდით ჩატარებული 76 მატჩიდან, მამაქალაქელებმა სულ 17 შეხვედრა მოიგეს, 38 შეხვედრა დათმეს ხოლო 21 შეხვედრა ფრედ დაასრულეს.
  • ქართული დერბი ყველაზე ხშირად ანგარიში 1:0 სრულდება, ამ შედეგით 16 მატჩი დასრულდა.
  • ეროვნულ ჩემპიონატში, ტორპედომ საკუთარ სტადიონზე ბოლოს 2011 წლის 21 სექტემბერს მოიგო 2:1  სადაც თავი ტორპედოელთა მხრიდან გრიგოლ დოლიძემ (:6) და გიორგი მეგრელაძემ (:9) გამოიჩინა ხოლო დინამოელთა მხრიდან ალბერტ იაგუემ (:41).
  • ბოლო ქართული დერბი 2020 წლის 12 ივლისს გაიმართა, რომელიც ანგარიში 0:0 დასრულდა.

თამაშის წინა ვარჯიში (Video)

ტორპედო მომდევნო თამაშს საბურთალოს წინააღმდეგ გამართავს

კრისტალბეთ ეროვნული ლიგის მე-16 ტურში ,,ქუთაისის ტორპედო” მატჩს სტუმრად საბურთალოს წინააღმდეგ გამართავს. თამაში თბილისში, მიხეილ მესხის სტადიონზე 13 საათზე გაიმართება.

აღნიშნულ თამაშამდე ,,ქუთაისის ტორპედო” კრისტალბეთ ეროვნული ლიგის გათამაშებაში მე-8 ადგილს 16 ქულით იკავებს, ხოლო მის მეტოქე საბურთალოს მე-5 ადგილი 21 ქულით უკავია.

მსოფლიოში არსებული პანდემიის პირობების გათვალისწინებით, კლუბმა თამაშამდე 48 საათით ადრე კოვიდ ტესტირება ჩაიტარა. პარასკევს 20 ნოემბერს მიღებული პასუხებით გაირკვა, რომ გუნდში არავინ არ არის კოვიდინფექციით დაავადებული.

კლუბი დღეს გაემგზავრა თბილისში, სადაც ისინი ხვალ გასამართი თამაშისთვის მოემზადებიან.

რაც შეეხება ,,ქუთაისის ტორპედოსა” და საბურთალოს დაპირისპირებას:

  • კლუბებს ერთმანეთში კრისტალბეთ ეროვნული ლიგის ეგიდით 13 შეხვედრა აქვთ ჩატარებული

,,ტორპედო ქუთაისი“ სოლიდარობას უცხადებს ეროვნულ ნაკრებს და საქართველოს ფეხბურთის ფედერაციას.

13 ნოემბერს, საქართველოს ფეხბურთის ფედერაციის ოფისთან განვითარებული მოვლენების, შემდეგ გვსურს ჩვენი მხარდაჭერა დავაფიქსიროთ ეროვნული ნაკრებისა და საქართველოს ფეხბურთის ფედერაციის მიმართ. ჩვენ კატეგორიულად ვემიჯნებით ნებისმიერი სპორტული საკითხის, დაპირისპირებით ან საზოგადოებრივი წესრიგის დარღვევის გზით მოგვარებას.

,,ტორპედო ქუთაისი“ კიდევ ერთხელ აღიარებს იმ დიდ ძალისხმევას და საქმეს, რასაც საქართველოს ფეხბურთის ფედერაცია,  მთავრობის მხარდაჭერით, ახორციელებს მომავალი თაობის, საკლუბო ფეხბურთის, მათ შორის ,,ტორპედო ქუთაისის” მხარდაჭერისთვისა და რეგიონალური ფეხბურთის განვითარებისთვის.

სპორტული დისკუსია არ უნდა გადაიზარდოს დაპირისპირებაში, რადგან ფეხბურთი კი არ ყოფს, არამედ აერთიანებს საზოგადოებას, მითუმეტეს, როდესაც საქმე ეროვნულ ინტერესებს ეხება. ჩვენ უნდა ვამაყობდეთ ფეხბურთელებითა და მენეჯერებით, ამ უმნიშვნელოვანესი გზის გავლისთვის.

საქართველოს ფეხბურთის ფედერაცია ნამდვილად არ იმსახურებს ამ ფორმით თავდასხმას. ჩვენი ემოციები და გულისტკივილი სჯობს ყოველთვის შემოიფარგლებოდეს კონსტრუქციული კრიტიკით. დარწმუნებულები ვართ, ყველამ ბევრი რამ ვისწავლეთ ამ სამწუხარო მარცხის შემდეგ და გულწრფელად გვჯერა, რომ საქართველოს ფეხბურთის ფედერაცია აუცილებლად მოძებნის სწორ მიმართულებას ჩვენი სათაყვანო ნაკრების წარმატებისთვის.

ტორპედო ქუთაისი ყოველთვის იდგება ფეხბურთის, ერთიანობის მხარეს და გაემიჯნება საზოგადოების რაიმე ფორმით დაპირისპირებას.

სეზონის პირველი 3 ქულა

5 ივლისს ეროვნული ლიგის მეოთხე ტურის მატჩი ტორპედომ სტუმრად თბილისში მერანის წინააღმდეგ გამართა.

სატურნირო ცხრილიდან გამომდინარე ტორპედოს ამ მატჩში სამი ქულის მოპოვება ძალიან სჭირდებოდა. გასულ სამ ტურში გუნდმა მხოლოდ ერთი ქულა მოიპოვა და მატჩის წინ გასავარდნ ზონაში იყო. მეტოქეს, თბილისის მერანს, ტურის წინ 3 ქულა ჰქონდა.

სამწვრთნელო შტაბმა შემადგენლობაში რამდენიმე ცვლილება შეიტანა. ძირითად შემადგენლობაში დაიწყო თამაში გურამ ადამაძემ. სასტარტო თერთმეტეულში იყო გიორგი ფანცულაიაც, რომელიც წინა ტურში ჩიხურასთან ცვლილებაზე შევიდა და დუბლი გაიფორმა. ტრავმის შემდეგ გუნდს ივან ბობკოც დაუბრუნდა.

ცვლილებებმა გაამართლა. ტორპედო მთელი მატჩის განმავლობაში დომინირებდა და მეტოქის კართან მომენტებსაც ქმნიდა. პირველი გოლი 32-ე წუთზე გავიდა – ზაზა ციცქიშვილის პასის შემდეგ გოლის გატანის კარგი შანსი ჰქონდა გიორგი ფანცულაიას, თუმცა ეს უკანასკნელი საჯარიმოში წააქციეს. მსაჯი პენალტის დანიშვნას აპირებდა, მაგრამ მომენტის დასრულებას დაელოდა, ვინაიდან ბურთი ივან ბობკოს მიუვიდა – უკრაინელის დარტყმა ზუსტი გამოდგა.

ტორპედო ამაზე არ გაჩერებულა და შეტევები განაგრძო. მე-60 წუთზე ზაზა ციცქიშვილის შესანიშნავი პასის შემდეგ მეკარესთან პირისპირ გიორგი ფანცულაია გავიდა – ამჯერად მას ხელი ვერავინ შეუშალა, 2:0!

ამ გამარჯვებით ტორპედოს 4 ქულა დაუგროვდა და ახლა ცხრილში მე-7 ადგილზეა. მომდევნო ტურის მატჩს ჩვენი გუნდი 12 ივლისს, ქუთაისში, რამაზ შენგელიას სახელობის სტადიონზე ჩემპიონატის ლიდერ თბილისის დინამოსთან გამართავს.

შემადგენლობა მერანთან: ბულისკერია, ადამაძე, კასრაძე, ტაბატაძე (გრიგალაშვილი, 62), ნადარაია, ძარია, ჯანელიძე, ივანიშვილი (მირცხულავა, 81), ბობკო (შარვაშიძე, 67), ციცქიშვილი, ფანცულაია.

ტორპედომ კორონავირუსზე პირველადი ტესტირება ჩაიტარა

6 ივნისს ტორპედოს სამწვრთნელ ბაზაზე კლუბის ფეხბურთელებს, მწვრთნელებს და პერსონალს კორონავირუსზე პირველადი ტესტირება ჩაუტარდათ.   გუნდს ტესტირება საქართველოს ფეხბურთის ფედერაციის ინიციატივითა და დაფინანსებით ჩაუტარდა. ჩემპიონატის დაწყებამდე რამდენიმე დღით ადრე გუნდი ტესტირებას კიდევ ერთხელ გაივლის. საქართველოს ჩემპიონატი კორონავირუსის პანდემიით გამოწვეული პაუზის შემდეგ 25 ივნისს განახლდება. ტორპედო 28 ივნისს მესამე ტურის მატჩში ქუთაისში, რამაზ შენგელიას სახელობის სტადიონზე საჩხერის ჩიხურას უმასპინძლებს. მატჩი ამ ეტაპზე გულშემატკივრის გარეშე გაიმართება.